"Danza del Sable"- Aram Ilitx

Aram Ilitx Khatxaturian armeniar musikagilea eta pedagogoa izan zen. Moskuko Gnessin Musika Eskolan egin zituen ikasketak. 1950. urtetik aurrera orkestra-zuzendaritzan ere aritu zen, bai Errusian, bai atzerrian. Moskuko Kontserbatorioko eta Gnessin Eskolako konposizio-irakaslea izan zen.

Armeniako musika tradizionala du oinarri bere lanetan. Erritmo bereziak erabili zituen, dantzan oinarritutakoak askotan, eta harmonia eta orkestrazioa zuen bere musikagintzaren alderdirik aipagarrienak. Aipatuaz gainera, hiru sinfonia, biolin- eta piano-kontzertuak, ganberako musika eta filmetako musika idatzi zuen, besteak beste. Gaur entzungo dugun obra Gayaneh balletaren "Danza del sable" mugimendua da. Hona hemen musikograma eta bideo batzuk:

Musika zertarako?

Inoiz galdetu al diozue zuen buruari zertarako balio duen musikak?

Musika LHko ikasgelan lantzen

Oraingo honetan, Elgoibar ikastolaren bideo bat ikustea gomendatzen dizuet. Bertan garrantzi handi ematen diote musika ikasgaiari. Aipagarriena zera da, musika klasikoan murgiltzen dituztela ikasleak txiki txikitatik. Horrela gazteak musikaren mundua ezagutzen eta horretaz gozatzen ikasten dute klasean landuz.
Espero dut zuen gustokoa izatea!

Musika Curriculumean

Gaur, Musika ikasgaiaren papera landuko dugu, konkretuki Curriculum Ofizialaren arloan.
Euskal Curriculum Ofizialaren web orria utziko dizuet, zuen kabuz ikusi nahi izatekotan

Euskal Autonomia Erkidegoko Oinarrizko Hezkuntzaren Curriculuma (175/2007 Dekretua)

Curriculum honek hainbat atal eta eranskin ditu. Bertan, LHko eta DBHko arloak banatzen eta azaltzen dira (IV eta V eranskinak). Musika irakasgaia DBHko arloan agertzen da. LHn musika ere lantzen da, baina Arte Hezkuntzaren arloan sartzen da.

Esteka honetan klikatu ezkero, Musika ikasgaiaren ezaugarriak eta datu garrantzitsuak aurkituko dituzue:
Musika  irakasgaia Derrigorrezko Bigarren Hezkuntzan